Zakia Ghazal
zaban ne jo bhi kaha arz-e-hal thoḌi hai
tumhare bin hamen jiina muhal thoḌi hai
jo ik jahan ko tahayyur men mubtala kar de
tumhare jhuuT men itna kamal thoḌi hai
na jaane kaun si sazish racha.e rahte ho
mira uruuj tumhara zaval thoḌi hai
tire saval ke badle diya javab tujhe
mire javab men koi saval thoḌi hai
na koi dekh ke ThiTke na ungliyan kaaTe
tire vajud men aisa jamal thoḌi hai
jo rah-e-ishq se guzre amar vo kahla.e
to koi ek hi zinda misal thoḌi hai
ajiib baat hai har sher tum pe sadiq hai
vagarna dil men tumhara ḳhayal thoḌi hai
Leave a Reply