jafa ki rasm-e-sitam ka rivaj badlega
faqih-e-shahr ka aḳhir mizaj badlega
main janta huun badalti ruton ki ḳhushbu se
hava-e-dasht tira imtizaj badlega
jumud-e-marg numud asl zindagi hai to phir
jo kal na badla yaqinan vo aaj badlega
ḳhulus-o-mehr-o-vafa ḳhvab ho ga.e jaise
na jaane kab ye nahusat ka raaj badlega
na.e shu.ur ke charche hain chaar su ‘aḳhtar’
mujhe yaqin hai ye kohna samaj badlega
Leave a Reply