Sabir Waseem
pahla patthar yaad hamesha rahta hai
dukh se dil abad hamesha rahta hai
paas rahen ya duur magar un a.ankhon men
mausam-e-abr-o-bad hamesha rahta hai
qaid ki ḳhvahish us ka dukh ban jaati hai
jo panchhi azad hamesha rahta hai
ek gul-e-be-mehr khilane ki ḳhatir
qarya-e-dil barbad hamesha rahta hai
is ke liye main kya kya svang rachata huun
vo phir bhi nashad hamesha rahta hai
paanv thamen to kaise ‘sabir’ apne saath
ek safar ijad hamesha rahta hai
Leave a Reply