Poet
zaban chup hai magar zehn ro raha hai lahu
ki jite-jagte logon ka so raha hai lahu
tamam umr mila zahr is tasalsul se
ki apne-ap men tiryak ho raha hai lahu
ragon men utri hai jo shai vo na-muvafiq hai
ki saare jism men kanTe se bo raha hai lahu
bas ek da.ere men raqs kar rahe hain havas
ḳhayal hai ki bagula bilo raha hai lahu
har ek lahza utarti kasafaten mujh men
aur ek gardish-e-paiham men dho raha hai lahu
koi kumak to mile ab mudafa.at ke liye
vagarna rang ki taqat bhi kho raha hai lahu
Leave a Reply