yunhi chupke chupke rona yunhi dil hi dil men baten
baḌi kashmakash ke din hain baḌi uljhanon ki raten
hai nafas nafas farozan hai mizha mizha charaghan
baḌi dhuum se uThi hain gham-o-dard ki baraten
mire zehn ki ḳhala men mire dil ki vus.aton men
kahin rang-o-bu ke ḳheme kahin nuur ki qanaten
unhen ai gham-e-zamana kabhi ra.egan na karna
hain bahut latif-o-nazuk gham-e-dil ki vardaten
ye ‘jamal’ mai-kada hai nahin yaan koi takalluf
o arab ajam ke jhagḌe na hasab nasab na zaten
Leave a Reply