Yun to KHud Apne Hi Sae Se Bhi Dar Jate Hain Log

yuuñ to ḳhud apne hī saa.e se bhī Dar jaate haiñ log

hādse kaise bhī hoñ lekin guzar jaate haiñ log

jab mujhe dushvāriyoñ se rū-ba-rū honā paḌā

tab maiñ samjhā reza reza kyuuñ bikhar jaate haiñ log

sirf ġhāza hī nahīñ chehroñ kī ra.anā.ī kā raaz

shiddat-e-ġham kī tapish se bhī nikhar jaate haiñ log

mas.ale aa kar lipaT jaate haiñ bachchoñ kī tarah

shaam ko jab lauT kar daftar se ghar jaate haiñ log

har ‘nafas’ mar mar ke jiite haiñ tujhe ai zindagī

aur jiine kī tamannā meñ hī mar jaate haiñ log

Leave a Comment