Mera Dil Ajab Shadmani Mein Gum Hai

mirā dil ajab shādmānī meñ gum hai

ki vo aaj merī kahānī meñ gum hai

samajhtā hai dil tere tarz-e-suḳhan ko

magar terī jādū-bayānī meñ gum hai

maiñ huuñ fitratan mauj se laḌne vaalā

vo mallāh kyā jo ravānī meñ gum hai

use kyā patā kyā hai sahrā-navardī

havāoñ kī jo be-zabānī meñ gum hai

bahut Tiis uThtī hai dekhe se us ko

vo kyā hai jo terī nishānī meñ gum hai

usī kā to haq motiyoñ par hai ‘anjum’

samundar kī jo be-karānī meñ gum hai

Leave a Comment