mira dil ajab shadmani men gum hai
ki vo aaj meri kahani men gum hai
samajhta hai dil tere tarz-e-suḳhan ko
magar teri jadu-bayani men gum hai
main huun fitratan mauj se laḌne vaala
vo mallah kya jo ravani men gum hai
use kya pata kya hai sahra-navardi
havaon ki jo be-zabani men gum hai
bahut Tiis uThti hai dekhe se us ko
vo kya hai jo teri nishani men gum hai
usi ka to haq motiyon par hai ‘anjum’
samundar ki jo be-karani men gum hai
Leave a Reply