ishq se main Dar chuka tha Dar chuka to tum mile
dil to kab ka mar chuka tha mar chuka to tum mile
jab main tanha ghaT raha tha tab kahan thi zindagi
dil bhi gham se bhar chuka tha bhar chuka to tum mile
be-qarari phir mohabbat phir se dhoka ab nahin
faisla main kar chuka tha kar chuka to tum mile
main to samjha sab se baḌh kar matlabi tha main yahan
ḳhud pe tohmat dhar chuka tha dhar chuka to tum mile
Leave a Reply