Log Karte Hain Faqat Waqt Guzari Pagal

log karte hain faqat vaqt guzari pagal

baat karta hai yahan kaun hamari pagal

us ne ik baar kaha koi nahin tum jaisa

tab se main lagne lagi khud ko bhi pyari pagal

vo bhi hans hans ke kiya karta tha baten aur main

us ki baton men chali aai bichari pagal

ek muddat se tiri raah men aa baithi hai

ishq men tere hui raj-kumari pagal

main ne puchha ki koi mujh se ziyada hai hasin

aaina hans ke ye bola ari ja ri pagal

yuun nahin hai ki faqat nain hue hain mere

dekh kar tujh ko hui saari ki saari pagal

us ne puchha ki miri ho naan to phir main ne kaha

haan tumhari main tumhari main tumhari pagal

main ‘rabab’ is se ziyada tujhe ab kya deti

zindagi main ne tire naam pe vaari pagal

Leave a Comment