ham na hanste hain aur na rote hain
umr hairat men apni khote hain
kha ke gham khvan-e-ishq ke mehman
haath khun-e-jigar se dhote hain
vasl hota hai jin ko duniya men
yarab aise bhi log hote hain
kos-e-rahlat hai jumbish-e-har-dam
aah tis par bhi yaar sote hain
dil laga us se mardum-e-dida
saath apne hamen dubote hain
ah-o-nala se vo khafa hai abas
kante ham apne haq men buute hain
yaad aati hain us ki jab baten
dil ‘hasan’ donon mil ke rote hain