Taruna Mishra
ye kya hua tumhen lafzon se maat khane lage
saval ham ne kiya aur nazar jhukane lage
safar men hausla darkar hai har ik surat
ye kya ki char-qadam par hi Dagmagane lage
abhi to ghar mira puuri tarah jala bhi nahin
jo haath senk rahe the vo uTh ke jaane lage
jab un se fasla ham ne baḌhaya to ye hua
vo duur hote hue bhi qarib aane lage
abhi to un se shanasa.i bhi nahin meri
abhi se log idhar ki udhar uḌane lage
Leave a Reply