yunhi be-bal-o-par khaḌe hue hain
ham qafas toḌ kar khaḌe hue hain
dasht guzra hai mere kamre se
aur divar-o-dar khaḌe hue hain
ḳhud hi jaane lage the aur ḳhud hi
rasta rok kar khaḌe hue hain
aur kitni ghumaoge duniya
ham to sar thaam kar khaḌe hue hain
barguzida buzurg niim ke peḌ
thak ga.e hain magar khaḌe hue hain
muddaton se hazar-ha aalam
ek ummid par khaḌe hue hain
Leave a Reply