ya rab na hind hi men ye maati kharab ho
ja kar najaf men khak-e-dar-e-bu-turab ho
saaya kare vo lutf se saaya jise na tha
jis vaqt roz-e-hashr men garm aftab ho
hasil ho is nafs ko sifat mutmainna ki
pesh is se irjai ka udhar se khitab ho
jab chashm bastagi ho mujhe is jahan men
ankhon ke samne vahi ali-janab ho
ai yaar yaan to munh na dikhaya kabhu hamen
aisa na ho ki vaan bhi ‘bayan’ se hijab ho
Leave a Reply