Farooq Engineer
daraḳhton par parinde bolte hain
nikal ghar se ki raste bolte hain
dar-o-divar se raunaq gharon ki
dilon ka haal chehre bolte hain
yuun hi sinon se kab nikli hain aahen
lage jab Thes shishe bolte hain
koi be-saḳhta jumla kabhi to
ye sab alfaz tote bolte hain
abhi to gul-fishani ho rahi hai
ye dekhen kya vo aage bolte hain
garan us ki sama.at par na guzre
so ham kitna sambhal ke bolte hain
tira andaz sab ko bha gaya hai
tire lahje men saare bolte hain
hai aisa shahr bhi abad ‘faruq’
hain sab ḳhamosh katbe bolte hain
Leave a Reply