Rona Wahi Jo KHauf-E-Ilahi Se Roiye

ronā vahī jo ḳhauf-e-ilāhī se roiye

sonā vahī jo us ke tasavvur meñ soiye

kapḌe safed dho ke jo pahne to kyā huā

dhonā vahī jo dil kī siyāhī ko dhoiye

dahqāñ kī tarah daana zamīn meñ na bo abas

baunā vahī jo tuḳhm-e-amal dil meñ boiye

khoyā gayā hai shaiḳh qayāmat ke vahm meñ

khonā vahī ki aap ko aap hī meñ khoiye

‘hātim’ tū go ki ḳhaak huā kīmiyā kahāñ

honā vahī jo ḳhaak se iksīr huiye

Leave a Comment