Sughra Sadaf
pur-ḳhar rahguzar pe hi chalna nahin sada
ḳhushiyon ko paanv paanv masalna nahin sada
vo din kabhi to a.enge jo mere naam hon
tere hi roz-o-shab ko badalna nahin sada
milna hai umr bhar ke liye ham ko ek din
jaati ruton ke taur bichhaḌna nahin sada
tark-e-ta.alluqat se pahle ye soch le
dil ko tire hi dam se machalna nahin sada
qismat tiri bhi ruuTh to sakti hai ek din
taqdir ko miri hi bigaḌna nahin sada
Leave a Reply