Majid Ali Kavish
ye tarz-e-jaur ye andaz-e-dil dikhane ke
vo puchhte hain hamare ho ya zamane ke
hamare ghar ko lagi aag jin charaghon se
qusur-var hami thi unhen jalane ke
vo jin ke vaste Thukra diya zamane ko
vo de rahe hain mujhe vaste zamane ke
hamare ahd ki tariḳh ham se mat puchho
vo vaqi.at nahin hain suna.e jaane ke
main de raha tha unhen dars zindagani ka
vo kar rahe the bahane mujhe miTane ke
huzur jurm-o-saza to bas ik bahana hai
hami the ahal saliben na.i sajane ke
Leave a Reply