Khol Rahe Hain Mund Rahe Hain Yaadon Ke Darwaze Log

khol rahe hain muund rahe hain yadon ke darvaze log

ik lamhe men kho baithe hain sadiyon ke andaze log

niind uchat jaane se sab par jhunjhlahat si taari hai

ankhen miche bandh rahe hain khvabon ke shiraze log

shahron shahron phirte hain divanon ka bahrup bhare

khud se chhup kar khud ko DhunD rahe hain baaze baaze log

chalti phirti lashon ke honton ki hansi par hairat kiya

murdon par rakkha karte hain phuul hamesha taaze log

Leave a Comment