Poet
fasl-e-gul kuchh bhi nahin bad-e-saba kuchh bhi nahin
teri mahfil ho to jannat ki faza kuchh bhi nahin
jan-o-dil kar diye ham ne tiri rahon men nisar
aur hamare liye tohmat ke siva kuchh bhi nahin
pakde jaenge hamin hashr men be-jurm-o-qusur
aur gunahgar ko duniya men saza kuchh bhi nahin
un ke dil par mira ehsas-e-sitam bhi hai garan
ghair ki shoala-bayani ka gila kuchh bhi nahin
jam-e-jam ho kahin gardish men magar phir bhi ‘hayat’
chashm-e-saqi se na chhilke to maza kuchh bhi nahin
Leave a Reply