vo chashm mail-e-lutf-o-karam hui bhi to kab
ujad chuka hai dil apni khushi mili bhi to kab
utar chuka hai rag-e-jan men zahr-e-tanhai
use bhi fursat-e-charagari mili bhi to kab
hain ta-ba-hadd-e-nazar silsile sarabon ke
shadid-tar hua ehsas-e-tishnagi bhi to kab
sumum-e-gham ke asar se jhulas chuka hai badan
dayar-e-jan men hava-e-tarab chali bhi to kab
ukhadti sansen aur is rukh ki diid ai ‘abid’
nazar ki pyaas bujhi to magar bujhi bhi to kab
Leave a Reply