Poet
ishq ke jan-nisar jiite hain
ba.ad marne ke yaar jiite hain
zahr-e-hasrat chashidgan-e-firaq
hain muon men hazar jiite hain
dushmanon par tu tegh yaar na khinch
abhi to dost-dar jiite hain
tu jahan jaa.e misl-e-ab-e-hayat
murde ab ek baar jiite hain
ek din daav hai hamara bhi
yahan baazi to yaar jiite hain
bin ajal koi mar nahin sakta
ji ko ham maar maar jiite hain
gham-e-hijran ki kuchh nahin puchh ‘raza’
shukr-e-parvardigar jiite hain
Leave a Reply