Poet
mohabbat men kahan asudgi mahsus hoti hai
ye vo mai hai ki pi kar tishnagi mahsus hoti hai
bhaḌak uThte hain sho.ale sozish-e-paiham se siine men
kahin phir ja ke ankhon men nami mahsus hoti hai
na hon jab tak farozan sham.en ashkon ki sar-e-mizhgan
kahan ai dost dil men raushni mahsus hoti hai
tabi.at ḳhugar-e-ranj-o-alam hai is qadar ‘at.har’
ki ab apni hansi bhi ajnabi mahsus hoti hai
Leave a Reply