Dilkash Sagari
vo husn-e-zan se jaa.e na husn-e-yaqin se ham
baiThe hain shart bandh ke ek mah-jabin se ham
ham ne bisat-e-ilm-o-siyasat to jiit li
daman ko si rahe hain magar astin se ham
logon ne asman pe kamanden bhi Daal diin
farigh nahin hain ab bhi kaf-e-sandalin se ham
koi to mauj aa ke hamen bhi uchhal de
kab tak paḌe rahen sadaf-e-tah-nashin se ham
dekha to juz alam nahin hangama-e-vajud
be-kar munfa.il rahe duniya-o-din se ham
taḳhliq-e-sher ke liye lazim hai ḳhun-e-dil
faslen uga ke laa.en hain mushkil zamin se ham
Leave a Reply