raat tire ḳhvabon ne mujh par yuun arzani ki
saari hasrat nikal ga.i miri tan-asani ki
paḌa hua huun shaam se main isi bagh-e-taza men
mujh men shaḳh nikal aa.i hai raat ki raani ki
is chaupal ke paas ik buḌha bargad hota tha
ek alamat gum hai yahan se mari kahani ki
tum ne kuchh paḌh kar phunka miTTi ke piyale men
ya miTTi men gundhi hui tasir hai paani ki
kya batla.un tum ko tum tak arz guzarne men
dil ne apne aap se kitni khincha-tani ki
Leave a Reply