Tu Agar beTiyan Nahin Likhta

tū agar beTiyāñ nahīñ likhtā

to samajh khiḌkiyāñ nahīñ likhtā

sardiyāñ jo thiiñ sab sahīñ maiñ ne

dhuup ko arziyāñ nahīñ likhtā

jab shahr pūchhtā nahīñ us ko

gaañv bhī chiTThiyāñ nahīñ likhtā

maiñ havā ke gunāh ke badle

aag kī ġhalatiyāñ nahīñ likhtā

page saada hī chhoḌ detā huuñ

maiñ kabhī talḳhiyāñ nahīñ likhtā

is meñ bachche kā hai gunāh kahāñ

vo agar titliyāñ nahīñ likhtā

Leave a Comment