yuun to kahne ke liye sub.h ke asar bhi the
main raha chup ki mire samne kohsar bhi the
ḳhauf se chiḳhne valon men akela main tha
log sahme hue lekin pas-e-divar bhi the
tez andhi men faqat ham gire aisa to nahin
duur tak raah men ukhḌe hue ashjar bhi the
umr bhar jis ki talab ne rakha mahsur hamen
ham hi us shahr-e-tilismat ke me.amar bhi the
tha hamin se kabhi tahzib-o-tamaddun ka vaqar
ham kabhi shaḳh-e-gul-e-tar kabhi talvar bhi the
Leave a Reply