yuun to aapas men bigadte hain khafa hote hain
milne vaale kahin ulfat men juda hote hain
hain zamane men ajab chiiz mohabbat vaale
dard khud bante hain khud apni dava hote hain
hal-e-dil mujh se na puchho miri nazren dekho
raaz dil ke to nigahon se ada hote hain
milne ko yuun to mila karti hain sab se ankhen
dil ke aa jaane ke andaz juda hote hain
aise hans hans ke na dekha karo sab ki janib
log aisi hi adaon pe fida hote hain
Leave a Reply