rida-e-vaqt men bas mah-o-sal bunte hue
ik umr kaaT di tera ḳhayal bunte hue
ye rang us ka pasandida rang tha maahi
main aaj rone laga ek shaal bunte hue
usi zamin ko tartib se banana hai
nadi ke dhagon se shahron ki khaal bunte hue
mujhe taḌapti uḌanon ki yaad aati hai
tumhen bhi yaad kuchh aata hai jaal bunte hue
zara sa azm tha poshak ḳhud bana.unga
guzar ga.e hain magar kitne saal bunte hue
vo kokh bhi na bachi vahshiyon ke hathon se
safed uun hua laal laal bunte hue
Leave a Reply