chashm-o-gosh pe pahre hain
andhe hain sab bahre hain
dukh ki ankhen niili hain
dukh ke baal sunahre hain
naqsh abhi hai ḳhaal tira
rang bhi tere gahre hain
mera koi naam nahin
jaane kitne chehre hain
ma.ani par koi qaid nahin
lafzon par kyuun pahre hain
dhyan ke ras men Duube lab
bosa bosa chehre hain
ashkon ki barish hogi
dukh ke badal gahre hain
ghar ka rasta bhule ‘mus.haf’
ik hotel men Thahre hain
Leave a Reply