dost dushman ne kiye qatl ke saman kya kya
jan-e-mushtaq ke paida hue ḳhvahan kya kya
afaten Dhati hai vo nargis-e-fatan kya kya
daagh deti hai mujhe gardish-e-dauran kya kya
phir saki mere gale par na chhuri hai zalim
varna gardun se hue kar-e-numayan kya kya
husn men pahlu-e-ḳhurshid magar dabega
duur khinchta hai hamara mah-e-taban kya kya
ru-e-dilbar ki safa se tha baḌa hi da.ava
samne ho ke hua aa.ina hairan kya kya
ankhen gesu ke tasavvur men raha karti hain band
lutf dikhlata hai ye ḳhvab-e-pareshan kya kya
gardish-e-chashm dikhata hai kabhi gardish-e-jam
meri tadbir men phirta hai ye dauran kya kya
chashm-e-bina bhi ata ki dil-e-agah bhi diya
mere allah ne mujh par kiye ehsan kya kya
dost ne jab na dam-e-zabh sisakta chhoḌa
mere dushman hue hans hans ke pasheman kya kya
gardish-e-nargis-e-fattan ne to divana kiya
dekho jankva.e kun.en chah-e-zanaḳhdan kya kya
jal gaya aag men aap apne main manind-e-chinar
piste rah ga.e daant arra-o-sohan kya kya
kuchh kahe koi main munh dekh ke rah jaata huun
kam dimaghi ne kiya hai mujhe hairan kya kya
garm hargiz na hua pahlu-e-ḳhali be-yar
yaad avegi mujhe fasl-e-zamistan kya kya
koi mardud-e-ḳhala.iq nahin mujh sa ‘atish’
kya kahun kahte hain hindu-o-musalman kya kya
Leave a Reply