badla hua hai rang-e-gulistan mire liye
ḳhuun ro rahi hai chashm-e-baharan mire liye
faiz-e-junun-e-shauq ke qurban ja.iye
vus.at hai do-jahan ki zindan mire liye
sab ahl-e-dil hain teri nigahon se faizyab
ab tu kahan hai sirf miri jaan mire liye
main ḳhud hi chhoḌ ja.unga ye mahfil-e-hayat
kyon ho rahe ho itne pareshan mire liye
vo zindagi jise tiri mahfil men baar tha
ab ho ga.i hai ḳhvab-e-gurezan mire liye
ai mere chak-chak gareban se be-ḳhabar
tu bhi phirega chak-gareban mire liye
phulon ke naaz ahl-e-chaman ko rahen nasib
ḳhandan hain ḳharh-a-e-bayaban mire liye
Leave a Reply