ulfat-e-shirin ko bhari sil samajh
sahl ko ai kohkan mushkil samajh
gard-bad-e-dasht ai majnun na ho
til ko laila chashm ko mahmil samajh
jaan nabz-e-rah dasht-e-nisti
tegh-e-abru ka mujhe bismil samajh
dil ko baitullah kahta hai jahan
is ko ai but manzilat manzil samajh
hai jo shab-bedar teri yaad men
us faramush-kar ko ghafil samajh
ḳhun-e-dil hai surḳh-rui ka nishan
mujh ko bismil apna ai qatil samajh
vo nigah-e-garm hai barq ai ‘vaqar’
ḳhirman-e-hasti ko be-hasil samajh
Leave a Reply