Soz-E-Sham-E-Hijr Se Shab Jal Gae

soz-e-sham-e-hijr se shab jal gae

Dhalte Dhalte aansu ham khud Dhal gae

kal ka vaada kya raqibon se kiya

karte aaj aapas men kuchh kal kal gae

vo utha kar yak qadam aaya na gaah

ham qadam saan us ke sar ke bal gae

kab chhupi chhab takhti aur vo chal-Dhal

go ki munh par kar ke tum ojhal gae

shart thi manunga jo mangoge tum

nam-e-bosa sunte hi kuchh tal gae

sada-ru to dal ke ujle chor hain

haath le ye maal kurte tal gae

ghuncha-e-dil ‘azfari’ taqrib-e-sair

gul-rukhan pamal kar mal-dal gae

Leave a Comment