Jab Se Hum Badnam Bahut Hain

jab se ham badnām bahut haiñ

ham se jahāñ ko kaam bahut haiñ

ā.īne meñ kyā kyā dekheñ

ik chehra aur naam bahut haiñ

lā sūraj kirnoñ kī suulī

rātoñ par ilzām bahut haiñ

lenā ho to le lo duā.eñ

durveshoñ ko kaam bahut haiñ

mere jaise log bahut kam

albatta hamnām bahut haiñ

shā.ir kī pahchān na pūchho

gumnāmoñ ke naam bahut haiñ

Dar hai kahīñ pahchān na kho de

ab ‘saulat’ ke naam bahut haiñ

Leave a Comment