Poet
dekhna us ki tajalli ka jise manzur hai
sang-reza bhi nazar men us ki koh-e-tur hai
ham se ham-chashmi anal-haq ko kahan maqdur hai
ashk har yak-dar mizhgan par mire mansur hai
nahno-aqrab ki nahin hai ramz se tu ashna
varna vo nazdik hai tu aap us se duur hai
hijr ki shab ko agar kaaTe to phir hai roz-e-vasl
niish ke parde men dekha nosh bhi mastur hai
kya hua vaa.iz kare hai shor juun tabl-e-tahi
vo sar-e-be-maghz goya kansa-e-tambur hai
aaj hamen aur hi nazar aata hai kuchh sohbat ka rang
bazm hai maḳhmur aur saaqi nashe men chuur hai
roz o shab rahta hai teri yaad men ashiq ka dil
go muqassir hai tiri ḳhidmat se go ma.azur hai
aarzu hai raat andheri men ki aave mah-ru
jis ke aage raushna.i sham.a ki be-nur hai
ḳhaksaron ko kabhu laata nahin ḳhatir men vo
husn ki daulat par apne is qadar maghrur hai
ishq hai darushshifa aur dard hai is ka tabib
jo nahin is maraz ka talib sada ranjur hai
ab talak ‘hatim’ se to vaqif nahin afsos yaar
sha.eri ke fan men vo afaq men mash.hur hai
Leave a Reply