ek mehman ka hijr taari hai
mezbani ki mashq jaari hai
sirf halki si be-qarari hai
aaj ki raat dil pe bhari hai
koi panchhi koi shikari hai
zinda rahne ki jang jaari hai
bas tire gham ki gham-gusari hai
aur kya sha.eri hamari hai
aap karte hain shabnami baten
aur miri pyaas reg-zari hai
ab kahan dasht men junun vaale
jis ko dekho vahi shikari hai
mere aansu nahin hain la-varis
ik tabassum se rishte-dari hai
Leave a Reply