Nafas Ambalvi
itni mushkil men kabhi pahle to jaan aa.i na thi
ai mohabbat jab miri tujh se shanasa.i na thi
zindagi men sainkaḌon gham the tire gham ke siva
dil men virane to the par itni tanha.i na thi
rahguzar thi hadse the fasla tha dhuup thi
barhana-pa.i thi lekin abla-pa.i na thi
bach ke tufan se kisi surat nikal aa.e magar
ham vahan Duube jahan dariya men gahra.i na thi
ai masiha dekhne nikla tha main tera nizam
har taraf tu tha magar teri masiha.i na thi
apne zaḳhmon ki numa.ish be-hison ke shahr men
is dil-e-muztar ki nadani thi dana.i na thi
Leave a Reply