Mera Ghurur Tujhe Kho Ke Haar Man Gaya

mira ghurur tujhe kho ke haar maan gaya

main chot kha ke magar apni qadr jaan gaya

kahin ufuq na mila meri dasht-gardi ko

main teri dhun men bhari kaenat chhan gaya

khuda ke baad to be-intiha andhera hai

tiri talab men kahan tak na mera dhyan gaya

jabin pe bal bhi na aata ganva ke donon-jahan

jo tu chhina to main apni shikast maan gaya

badalte rang the teri umang ke ghammaz

tu mujh se bichhda to main tera raaz jaan gaya

khud apne aap se main shikva-sanj aaj bhi huun

‘nadim’ yuun to mujhe ik jahan maan gaya

Leave a Comment