in ke aariz pe ashkon ke dhare
jaise phulon ko shabnam sanvare
gham na kar is jahan-e-talab men
TuuT jaate hain aksar sahare
tum ne mantiq se ulfat ko samjha
tum hi jiite chalo ham hi haare
gham ki zahmat men kya kuchh na biiti
raat kaaTi hai gin gin ke taare
chhoḌ kar mujh ko bahr-e-alam men
teri kashti ga.i hai kinare
is ko faḳhr-e-mohabbat na kyon ho
‘daur’ dil men raha hai tumhare
Leave a Reply