Poet
ab to lab se na jaega aage
naale ka zor shor tha aage
dasht-e-ulfat men rahnuma kaisa
main ne rahbar ko dhar liya aage
dasht-e-ulfat hai garche duur vale
dil se kahta huun ye raha aage
bevafai agar na karti umr
ham dikhate tumhen vafa aage
vo khushamad hi men gae ghabra
mujh ko kahna tha muddaa aage
dekhna jo na tha so dekh liya
dekhiye dekhte hain kya aage
ishq men de ke jaan hui ye khabar
aa gaya kuchh diya liya aage
sabr-o-hosh-o-khirad gae dil se
meri ankhon ke ghar luta aage
marg-e-ashiq ki sun ke sab rudad
puchhte hain ki kya hua aage
‘salik’ aur mai-kashi khuda ki panah
kis qadar tha ye parsa aage
Leave a Reply