Munawwar Rana
dariya-dili se abr-e-karam bhi nahin mila
lekin mujhe nasib se kam bhi nahin mila
phir ungliyon ko khuun men dubona pada hamen
jab ham ko mangne pe qalam bhi nahin mila
sach bolne ki raah men tanha hamin mile
is raste men shaikh-e-haram bhi nahin mila
main ne to saari umr nibhai hai dosti
vo mujh se kha ke meri qasam bhi nahin mila
dil ko khushi bhi had se ziyada nahin mili
kaase ke e’tibar se gham bhi nahin mila
Leave a Reply