Aaj Bhi Tishnagi Ki Qismat Mein

aaj bhi tishnagi ki qismat men

sam-e-qatil hai salsabil nahin

sab khuda ke vakil hain lekin

aadmi ka koi vakil nahin

hai kushada azal se ru-e-zamin

haram-o-dair be-fasil nahin

zindagi apne rog se hai tabah

aur darman ki kuchh sabil nahin

tum bahut jazib-o-jamil sahi

zindagi jazib-o-jamil nahin

na karo bahs haar jaogi

husn itni badi dalil nahin

Leave a Comment