Yun Tere Shahr Se Hum Yar Chale Aate Hain

yuuñ tire shahr se ham yaar chale aate haiñ

jaise ka.abe se gunahgār chale aate haiñ

ishq meñ qais ne sahrāoñ ko chhānā hogā

ham vo majnūñ haiñ jo bāzār chale aate haiñ

raat bhar tum bhī udāsī kā sabab bante ho

din nikaltā hai to aḳhbār chale aate haiñ

ye tire shahr kī rusvā.ī nahīñ to kyā hai

ham tire shahr se bīmār chale aate haiñ

vo bulātā hai jise pyaar se apnī jānib

maiñ to pāgal huuñ samajhdār chale aate haiñ

Leave a Comment