Ata Abidi
yuun tamashe ratjage ke ku-ba-ku hote rahe
sar pe suraj aan pahuncha aur ham sote rahe
sha.iri paighambari ka ek hissa thi magar
log us ko sirf shohrat ke liye Dhote rahe
maut se ankhen milane kei saza mil kar rahi
zindagi bhar zindagi ke vaste rote rahe
raushni kei kasht thi matlub ham se aur ham
tirgi ke shahar men danishvari bote rahe
kaash ibrat koi pakḌe ai janab-e-‘abdi’
vaqt jaisi chiiz ham paate rahe khote rahe
Leave a Reply