mirza-raza-barq

Lakh Parde Se Rukh-E-Anwar Ayan Ho Jaega

laakh parde se rukh-e-anvar ayaan ho jaega

parda khul jaega har parda katan ho jaega

jauhar-e-tegh-e-isalat sab ayaan ho jaega

imtihan ke vaqt apna imtihan ho jaega

tu agar ai maah aa nikla kisi din bad-e-marg

parda-e-khak-e-mazar apna katan ho jaega

pech zulfon ke jo khul jaenge ru-e-yar par

sumbul-e-tar atish-e-gul ka dhuan ho jaega

tu vo gul-ru hai ki tujh ko dekh kar niklegi jaan

bulbul-e-ruh o ravan be-ashiyan ho jaega

ru-e-rangin ki hikayat nazm agar karne lagen

‘barq’ sab divan hamara bostan ho jaega

More Poems

Leave a Comment