main nazmen nahin kahti
main duaen likhti huun
dard ki kirchen chunti huun
tere pairon ki ungliyan sahlati huun
mathe se bhaun ke beach
ek chand tere naam karti huun
honthon pe atke kanch ke tukde chuum kar
khvahish kahti huun
tere baaen hisse pe haath rakhkar
kuchh sansanahat apni nason men bharti huun
aur ungli se asman par
main tere liye duaen likhti huun
Leave a Reply