ainuddin-azim

Wahshat Mein dil Kitna Kushada Karna Padta Hai

vahshat men dil kitna kushada karna paḌta hai

in giili ankhon ko sahra karna paḌta hai

mujh ko ik avaz tiri sunne ki koshish men

kitne sannaTon ka pichha karna paḌta hai

tab khulti hai ham par qadr-o-qimat phulon ki

jab kanTon ke saath guzara karna paḌta hai

yaar baḌa ban kar rahna asan nahin hota

apne aap ko kitna chhoTa karna paḌta hai

koh-e-giran haail hota hai jis ke raste men

ik din us ko tez dhamaka karna paḌta hai

apne ghar ki baten ‘azim’ ghar tak rakhne men

divar-o-dar se samjhauta karna paḌta hai

More Poems

Leave a Comment