shuhud-e-dil-zadgan manzaron men rakh aana
lahu ke daagh gulon ke paron men rakh aana
ye ḳhanvada-e-mansur miT na jaa.e kahin
miri mata-e-junun kuchh saron men rakh aana
hain in men band kisi ahd-e-rast-ḳhez ke aks
ye meri ankhen aja.ib-gharon men rakh aana
ye raat pichhle pahar aftab DhunDegi
charagh-e-sham jala kar darun men rakh aana
tamam umr ik andhi men par rakhe ‘salim’
vida ho to ik andhi paron men rakh aana
Leave a Reply