Jagat Mohan Lal Ravan
jiine men thi na naza.a ke ranj o mehan men thi
ashiq ki ek baat jo divana-pan men thi
saada varaq tha bahama gul-ha-e-rang-rang
tafsir jaan paak bayaz-e-kafan men thi
baḌhta tha aur zauq-e-talab bekasi ke saath
kuchh dilkashi ajiib navah-e-vatan men thi
bimar jab hain karte hain fariyad charagar
kya dastan-e-dard sukut-e-mahan men thi
kahta tha chashm-e-shauq se vo aftab-e-husn
halki si ik shua thi jo anjuman men thi
kuchh iztirab-e-ishq ka aalam na puchhiye
bijli taḌap rahi thi ki jaan is badan men thi
kis se kahun ki thi vahi gul-ha-e-rang-rang
bikhri hui jo ḳhaak savad-e-chaman men thi
Leave a Reply