madrasa ya dair tha ya kaaba ya but-khana tha
ham sabhi mehman the vaan tu hi sahab-khana tha
vaae nadani ki vaqt-e-marg ye sabit hua
khvab tha jo kuchh ki dekha jo suna afsana tha
haif! kahte hain hua gulzar taraj-e-khizan
ashna apna bhi vaan ik sabza-e-begana tha
ho gaya mehman-sara-e-kasrat-e-mauhum aah
vo dil-e-khali ki tera khaas khalvat-khana tha
bhuul ja khush rah abas ve sabiaqe mat yaad kar
‘dard’! ye mazkur kya hai ashna tha ya na tha
Leave a Reply